زيارة جمال مبارك السرية لأمريكا (هتموت من الضحك

من طرف احمد يوسف 4/23/2008, 7:10 pm

زيارة جمال السرية لأمريكا

أرجوا أن ينال الإعجاب هذا المشهد ... الذى على مايبدو أنه : يدور الآن

مع تحياتى
--------------------------------------------------------------------------------------
مشهد خارجي ... ظلام دامس .... أنوار خافتة مُحيطةبالبيت الأسود .. الفجر بيشقشق .... أصوات خبط ورزع علىالبوابة الخارجية للبيت الأبيض :

لورا : يا ساتر يارب .. ده مين الرخم اللي بيخبط عليناالساعة دي ؟ إصحي يا بوشي شوف في إيهبوش يهب منزعجاً : إيه .. في إيه ؟ أسامه رجع تاني ؟البرج .... إوعى البُرج ..... ناولوني الشبشب ... إستخبي ياديك (ديك تشينى..

لورا : برج إيه يا راجل ما راح واللي كان كان .. ده بابالبيت البراني بيخبط قوم شوف مين .

بوش : أقوم إزاي وأنا بالبيجاما ... قومي إنتييمكن ماحدش غريب ...

لورا : مين .. مين اللي بيخبط ؟جيمي : أنا جمال يا طنطلورا : جمال مين ؟جيمي : جمال إبن مباركلورا : إبن سوزان ؟جيمي : أيوه يا طنط إفتحي أنا أفأفت من البردلورا : خير يا جمال .. ماما جرا لها حاجة ؟جيمي : لأ .. ماما بخير والحمد لله ولسه ضاربة مكتبتينالإسبوع اللي فاتلورا : إوعى تكون إتخانقت مع خديجة(خطيبة جمال) .. حاكم أنا عارفهاهاتعمل عليها ماري منيب ؟جيمي : يا طنط مافيش حاجة ... أرحمي أهلي ودخليني الأولهاموت من البرد .. وبعد كده إن شالله تبعتيني جوانتانمويحققوا معايالورا : إدخل يا جمال .. أقعد أتلقح في أوضة المسافرينعبال ما أصحيلك عمك بوش ..... فطرت ولا أجيب لك لقمة تشقبها ريقكجيمي : لأ الحمد لله أنا أكلت شاندوتشين سجق في القطروأنا جاي .... صحي لي أونكل قوام الله يخليكي عشان عايزهفي موضع مهميدخل بوش أوضة المسافرين مرتدياً بيجامته الكستوروزعبوطاً من نفس نوعية قماش البيجاما... مع شبشب حمامأزرق اللون ...

بوش : إيه الشوقه الغريبة دي يا جمال يا إبني ؟ ومالكلابس لبس ولاد الليل ليه كده ومتلثم ؟جيمي : أسف يا أونكل إني جاي من غير ميعاد .. لكنالموضوع خطير خطير خطيربوش : يا ساتر يارب !!!!!! إيه إوعى تقولي الشعب المصريصحي وثار عليك وعلى ابوك ؟جيمي : بعد الشر يا عمو .. دول نايمين بقى لهم 7 آلافسنة ... ولا أصحاب الكهفبوش : طب حد لغوص لكو في موضوع الإنتخابات وفقس العملية ؟جيمي: ماحدش يستجرى يا عمو .... وأديك شايف إحنا بنعمل إيهفى القضاةبوش : يابني تعبت قلب اللي خلفوني وأنا مش فاضليك .. خشفي الموضوعجيمي : في الحكيكة يا أونكل بوش .. بابا صحي من النوم منإسبوعين كده ووشه كان أصفر وجسمه بينتفض وفضل ينده ويقول
" هاتوا لي جمال .. انا عايز جمال " .. المهم سيبتخطيبتي وجتله جري لقيته بيقولي

(مشهد داخلي ... نهار ما طلعلوش شمس ... الكاميرا تقتربمن غرفة النوم الرئيسية في قصر العروبة ... وتحديداًيتركز المشهد على السرير الملكي )مبارك : شد لك كرسي و أقعد يا جمال أنا عايزك في موضوعخطير ..... النهاردة إيه ؟جيمي : 4 مايو يا بابا ..

مبارك : وده معناه إيه ؟جيمي : معناه إن الموظفين قبضوا مرتباتهم من 3 أيام يابابيمبارك : موظفين .. مرتبات ؟ إنت هاتنضف مخك معايا ولاأخلى عيشتك سودا ؟جيمي : بالراحة عليه .... صحتك يا حاج .. حاضر هانضفمبارك : يابني النهاردة عيد ميلاد اللي جابك .. وأناكملت النهاردة 78 سنة .

جيمي : والله ؟ كل سنة وإنت طيب يا حاج ... عن إذنك أوصللحد " لابالما " أضرب دستتين جاتوه على طورطايه و78شمعه وأجي حمامهمبارك : تصدق بالله لو قاطعتني وإتكلمت في الهجايص ديتاني أنا هاقطع خلفك .... يا جمال يا إبني أنا حاسس إنيالله حُسن الختام ... وبالمختصر المفيد أنا عايز أقلوظلك الكُرسي قبل ما أفلسعجيمي : بعد الشر عنك ... ده لو حصل ده أنا أموت نفسيوراك يا حاجمبارك : تموت نفسك ؟ طب ومصر ؟ والمصريين دول مين يشكمهميا جمال ؟جيمي : آه صحيح ... طب إتكل عالله إنت يا حاج ... وأنا هابقىأحصلكمبارك : عشان كده انا عايز تتخفى وتتكتم وفي منتهىالسرية تروح لعمك بوش وتبوس إيدل وش وظهر وتقوله " أبويا بيسلمعليك وبيقولك .. إمتى هايتم المُراد يا جميل .. إحناطالبين الرضا والسماحجيمي : إيه دا دا يا بابا ؟... بس أنا بأحب خديجة وإنتعارف ... وهاكتب عليها بعد موسم القُطن اللي جاي ؟مبارك : اللهم طولك يا روح ... خديجة إيه وقطن إيه يابنيحرام عليك هاتموتني ناقص عمر .. مينجاب سيرة خديجة ولا الجواز دلوقت ؟ --جيمي : مش إنت بتقولي روح أطلب إيد بنت عمك بوش ؟مبارك : أنا قلت كده يا رئيس المستقبل .. يا فلته عصركوآوانك ؟.. يابني أدم أنا بأقولك روح إستسمح عمك وأطلبمنه يساعدك في القعاد على الكُرسيجيمي : يا حبيبي يا بابي ... والله هاتوحشني لما تروحوهاتوحشني أفكارك البرلنتية ... وتفتكر يا بابا أونكلبوش هايوافق ؟مبارك : ربنا يهدية .. إحنا بس نرمي بياضنا ونشوف طلباتهإيه ؟جيمي : عشان كده يا عمو أنا جيت لك النهاردة وطالب الرضاوالسماحبوش : في الحقيقة إنت فاجئتني بطلبك ده .. وبعدين " جينا
" لسه صغيرة وما بتفكرش في الجواز دلوقت ..

جيمي : الحمد لله .. يعني مش أنا بس اللي بأفهم بالشقلوببوش : قصدك إيه ؟جيمي : لأ ما فيش حاجة .. ده أنا أفتكرت موقف كده حصلبيني وبين بابي ... يا عمي أنا مش قصدي الجواز من سليلةالحسب والنسب .. أنا بأقصد إني طالب الرضا والسماح عشانأقعد وأترستق على الكُرسي وأدلدل رجلي ؟بوش : آه قلت لي ... طب إستناني أما أضرب واحد كابتشينوعشان أفوقلك إنت وابوك ...

بوش : قلت لي بقى أبوك بعتك ليه ؟جيمي : بابي بيسلم عليك وبيقولك قلوظ لي الكُرسيبوش : لأ إستأنا عليه أما أندهلك خالتك أم سلحولجيمي : طب وإيه لزمة طنط لورا في الموضوع الرجالي ده ؟بوش : لورا مين يا بنى .. يخرب بيت عقلك وطي صوتك أحسن تسمعك من المطبخ.... أم سحلول ده الإسم الحركي لخالتك كونديجيمي : آه .. وماله بس بسرعة يا أونكل أحسن عايز اروحقبل الدُنيا ما تضلم وكمان عشان سايب خديجة في جنينةالمريلاند لوحدهابوش : يامايكل .. يا مايكلمايكل : أوامرك يا افندينابوش : إدي ميسد كوول لكوندليزا خليها تيجي بالعجلمايكل : بس يا أفندينا الدنيا لسه الفجر وممكن تكون نايمه.. وحتى لو صحيت وجت بسرعة فمش هاتلحق تغسل وشها .. ودهفي خطر علينابوش : يا سيدي ما بتفرقش كثير .. إندها وخليها تيجيوالسلاموتأتي كوندي مهرولةً وتدخل أوضة المسافرين على بوش وجيميكوندليزا وهي تتثاءب : صباح الخير يا مستر بريزيدانت.... مين جيمي إبن سوزان ... إزيك يا ولا وإزي أمك ؟جيمي : كويس .. وماما بتسلم عليكي يا طنط وبعته لك معاياحتة قماش قطيفة تنفع ميكروجيبكوندي : ميرسي خالص يا جيمي ماكنش له لزوم .. وإبقى سلمعلى مامابوش : جيمي يا ستي جاي وجايب معاه رسالة من والده بيقوليفيها أقلوظ له الكرسيكوندي : وماله يا مستر بريزيدانت .. بس كله بثمنهجيمي : وأنا رقبتي سداده يا طنط كوندي .. ومستعد دلوقتأكتب لكو أي حتة في مصر بيع وشرا .. من أول توشكى لحدشرم الشيخ

__________________

ربنا يسـتر ... وحسبنا الله ونعم الوكيل